【渣馬2019】鄭融Bella完成賽事 湯怡越級挑戰全馬:食咗一年飯量

更新時間 (HKT): 2019.02.17 14:21

一年一度長跑盛事渣打馬拉松今日開跑,10公里賽有胡子彤、歐鎧淳、連詩雅及林穎彤,跑半馬有袁偉豪、鄭融、洪永城女友梁諾妍、湯鎮業兒子湯君慈、Dear Jane成員Tim及歌手洪嘉豪等,挑戰全馬則有湯怡、胡諾言、商台DJ當奴及周子駒,各人也盡力完成賽事。

湯怡今年越級挑戰全馬賽事,之前拍劇一路沒有時間訓練及休息,而最長距離只不過跑了23公里,但今日狀態好好,比目標時間更佳的4小時15分鐘10秒完成,她笑說:「近日狂食飯,食咗以往一年飯量,食到怕。」她笑指慶祝方式只要是吃飯以外任何活動都可以,但最好當然是好好休息,感激劇組體諒將今天通告調到明天。對於有指被大會截龍的半馬選手一齊闖關,湯怡指沿途秩序正常,沒有任何異樣。

鄭融以2小時17分31秒完成半馬賽事,她賽後一臉從容,她表示因早前開演唱會,所以有時間訓練,她說:「之前最好時間係2小時14分,時間差不多,所以好滿意,今次仲同圈外朋友一齊跑,可以互相鼓勵。」問到男友有否陪她跑?鄭融說:「我哋嘅運動嗜好唔太一樣,佢划獨木舟,如果叫佢跑,佢好似跑少少就要call白車。」男友不在終點等她?她笑說:「呢個係跑步終點,唔係人生嘅終點。」

林穎彤(Bella)首次出戰十公里賽,在1小時14分鐘26秒完成,成績比預計中更好,她表示沿途不覺得辛苦,還有影相留念,問到怎樣慶祝?她說:「休息同瞓覺,今朝好早起身,又聽胡仔教我食多啲飯。」若果下次再參賽,她繼續報十公里賽,希望再創好成績。

商台DJ當奴跑到30公里時抽筋,他在Ig留言:「一抽抽到尾返終點的人生初體驗,我會寫落簿仔,用紅筆寫住『食鹽糖並唔係萬能』,仲有『咁多年冇抽筋唔代表你唔會囉!』 得到四次全馬中最差成績,但個獎牌,反而嚟得更珍貴,因為我係爬返嚟。雖然,捱到IFC時,我眼濕濕,心裹面講咗一百次『好辛苦我以後唔會再跑呀!救命呀!』但其實,我年年都講。2020見!」

此外,周子駒以3小時58分40秒完成全馬賽事,他感到很滿意,「去到西隧,大腿內側想抽筋,個位有啲尷尬,又冇辦法做到,惟有逼自己放棄,唔好爆出嚟,無驚無險咁完成,對自己有個交代。」對於在馬拉松官方手機應用程式中,有其好友徐濠縈的名字,但遲遲未見她起步,周子駒解釋:「佢本身係有報名,但臨時有啲事發生,惟有犧牲一次。」

部分藝人選手表現檢閱:

領袖盃3公里賽事

霍啟剛 11分鐘21秒

10公里賽事

胡子彤 57分12秒

歐鎧淳 57分11秒

林奕匡 1小時04分14秒

連詩雅 1小時06分39秒

林穎彤 1小時14分鐘26秒

半馬

湯君慈 1小時45分09秒

梁諾妍 1小時47分37秒

Tim@Dear Jane 2小時19分46秒

袁偉豪2小時04分20秒

鄭融 2小時17分31秒

洪嘉豪 2小時19分41秒

全馬

胡諾言 3小時45分04秒

周子駒3小時58分40秒

湯怡 4小時15分10秒

商台DJ當奴 4小時22分20秒

娛聞樂陪你走遍全球追星,即Like「娛果」FB 專頁!
BannerBanner