【拖實老婆】有時間就陪妻女 城城甜笑:我係Family Man

更新時間 (HKT): 2019.02.17 18:14

郭富城今日以大使身份到亞洲博覽館出席「香港馬術大師賽」,已經是第六次為活動擔任頒獎嘉賓的他,大讚活動規模又再提升,現場亦增設更多親子玩意。

問阿城會否讓女兒接觸馬術運動?他說:「我自己有養馬,上次『舞士精神』跑贏嗰次,我都有帶埋囡囡去,教佢叫馬馬。佢而家見到都會叫馬馬,好得意、好可愛。」他表示將來會讓女兒學騎馬,但現時正籌備世界巡迴演唱會,太激烈的運動要避免:「自己好鍾意嘅騎馬同賽車,都要忍住暫停。」

阿城將到北京、上海、日本及韓國等地巡迴演唱,女兒會否很想念爸爸?阿城透露會與女兒視像通話,女兒每次見到電話都會叫「爸爸,Hello」,令他感覺好冧。

至於有否安排時間陪太太方媛待產?阿城指公司會騰出時間,讓他陪太太準備。是否為遷就太太預產期而安排香港站演唱會於十二月舉行?阿城說:「未定實嘅,首要都係完成咗手頭嘅巡迴先,我覺得有機會係明年。」

早前阿城與太太到經理人小美家拜年時,太太明顯腹大便便,問到是否已懷孕6個月?阿城即甜笑說:「快㗎啦,快㗎啦,我都享受有多啲家庭成員。身邊好多朋友都唔止一個小朋友,佢哋都教我哋,如果BB出世要送份禮物畀大姐姐,等佢唔好呷醋,自己都學習中。而家更希望做多啲優質作品出嚟,因為唔止fans會睇到,囡囡都會睇到,令我有更多動力。」

談到他再度獲得金像獎影帝提名?阿城感激太太於拍攝電影《無雙》期間,給予很大支持:「當時BB仲未出世,佢令我唔使好擔心佢第一胎嘅心情,可以投入工作。之前我都喺電影上攞過獎,每個頒獎禮嘅評審都唔一樣,我自己係好尊重,同埋已經付出咗努力,無論邊個攞獎,都會戥大家開心。」他表示作為演員,一定要有信心,但不會信心爆棚,只會專注做好自己的作品。

另外,早前拍到阿城與太太外出拍拖,太太險些跌倒,阿城即很Man地出手扶實。幸福滿瀉的他,不禁大放閃光彈:「嗰日情人節呀嘛,不過老土啲講,每日都係情人節,之前又放假,有時間就同太太去街。我係Family Man嚟㗎,工作以外就係家庭,有時間就要陪太太同囡囡,呢啲係丈夫嘅責任。太太而家有BB,我更加要拖實啲啦。」記者大讚他Sweet爆,阿城風趣回應:「我本身性格係咁㗎,有時間,多啲照顧身邊重要嘅人,係好應該嘅。」

娛聞樂陪你走遍全球追星,即Like「娛果」FB 專頁!
BannerBanner