【add人物】張寶華自私考人生

更新時間 (HKT): 2019.02.18 05:20

「Too simple, sometimes naive.」

2000年因追問江澤民是否欽點董建華連任,張寶華被江一鬧成名。事隔近20年,前新聞之花,將能言善辯的口才,變作文字繼續思考生命,新小說《死神教父》探索人生的選擇。「我成日有個疑問,係咪所有嘢都係整定?好多你以為整定啦,注定啦,其實係你自己嘅選擇。我覺得我人生有兩個選擇係好啱,第一個係我選擇做新聞。」
撰文:林妙萍
攝影:郭賢興

「我覺得那次嘅問法係最好嘅,因為係最清楚、公道,以及簡短,唔會有誤會,所以畀我再問一次,我都係會揀番當初嘅問法。」給張寶華重新選擇一次提問江澤民的方法,她依然堅持當日的做法。19年過去,她已由女主播變身,做過寰亞電影部高層、大學助教,現時開設自己公關公司,開畫展寫書,今年更攻讀Fine Art藝術學士課程。

做新聞揀得啱

第二部小說《死神教父》今個月出版,內容探討人生種種選擇。誰的人生不是由選擇交織而成?選擇對與錯,是一念之差。「我成日有個疑問,係咪一個人嘅命運結局自己主宰唔到,而係俾一個無形嘅軌迹引領去?呢個就係成本書嘅命題。我寫咗三個月,寫咗七萬字,發覺唔係。好多你以為整定、注定,其實係你自己嘅選擇。」書中主角是個啞巴男生,向天祈求開口講話,遇上上帝、死神和魔鬼提出不同的交易條件,最終他選擇了魔鬼。

「我覺得我人生有兩個選擇係好啱,第一個係我選擇做新聞,當年因為八九, 所以好想做新聞,但我屋企係好反對,覺得女仔之家,做乜走嚟走去咁辛苦,不如你讀Law啦。事實證明我冇揀錯。」第二個選擇,是她在英國讀完大學,有許多工作機會留在外地發展,比她小三歲的弟弟卻突然發現患上血癌,她選擇放下一切回港照顧家人,「我從來冇將家人放喺優先次序中,覺得家人必然喺度、父母親必然喺度,冇諗過有啲嘢,係彈一下手指就可能唔喺度。」

母親是上海人,覺得女兒要養得矜貴,鼓勵張寶華去追求理想,所以養成張寶華曾經非常自我中心,「我以前嘅自我係好大,好少諗其他人。喺嗰刻我先知,原來我父母係會老,現時我將家庭放第一位,其實我係wisely selfish,聰明地自私,因為我唔想自己有遺憾。」

愛情路次次錯

更多精采時尚內容,盡在 http://add.appledaily.com。

娛聞樂陪你走遍全球追星,即Like「娛果」FB 專頁!
BannerBanner