【蔡志明等老婆收工】情人節一定有花收 蔡太踢爆:因為秘書實記得

更新時間 (HKT): 2019.02.19 14:34

玩具大王蔡志明太太、保良局主席李惠莉、副主席馬清楠、賭王千金何超鳳、何猷亨與莎莎太子爺郭浩泉等,今天於銅鑼灣出席保良局董事會新春團拜,蔡太即將卸任主席榮升顧問,她笑言感覺開心又輕鬆,蔡太說:「都有啲唔捨得㗎,聽大家講最尾啲時間就會過得好快,自己都覺得真係過得好快,不過係開心同有意義。」

蔡太還透露大女加敏將加入保良,接捧為慈善出力,問蔡太有否計劃旅遊輕鬆一下?她笑說:「冇呀,自己都要忙學校嘅工作,不過可以多啲時間陪啲孫玩,而家真係好少見,都係啲屋企聚會見面。」提到今天是元宵節,蔡太謂工作排得密麻麻,但晚上的宴會會攜同蔡生一同出席,她說:「今晚見老公,其實西方情人節慶祝咗,以前拍拖都冇送花,而家佢一定會送,我一落樓就收到花,因為秘書實記得。」而蔡太又爆蔡生每天在家等她「收工」,蔡太說:「佢日日計數,以前就我喺屋企等佢,而家係佢等我,計住我仲要忙幾耐,不過一路以嚟蔡生都好支持我。」

另外,即將榮升主席的馬清楠,對於新一年的慈善工作充滿信心,他說:「我已經做咗10年,已經有準備,我對保良局嘅運作熟悉,爸爸係60年前做主席,我成日都跟住出出入入,好似返屋企咁。」他又指責任雖大,但會將壓力變成動力,又會保持強健體魄,事事親力親為保持衝勁,他說:「希望可以擴大服務範圍,21世紀,與時並進,我哋將加入人工智能,令服務更加有效率,又希望小朋友健康啲,推行多啲運動,healthy body,healthy mind。」

娛聞樂陪你走遍全球追星,即Like「娛果」FB 專頁!
BannerBanner