【活潑好動】囡囡盡得爸爸真傳 郭富城開心:佢係迷你版自己

更新時間 (HKT): 2019.02.20 17:41

郭富城日前到新加坡出席腕錶品牌發佈會及新店開幕活動,問到城城有否送手錶給正懷上第二胎的太太方媛(Moka),他笑說因為代言品牌已經代他送了手錶,所以自己就沒有送。城城坦言自己的缺點,就是面對工作時過份用心投入,有時候忽略身邊朋友和親人,所以他最想可以有視像功能的手錶:「翻一翻手就可以睇,比起拎手機出嚟更加方便。我想設計一隻可以照鏡嘅手錶,亦可以隨時視訊家人,隨意問句『Hello!食咗飯未?』。」

城城正在舉行巡迴演唱會,工作繁重的他,既忙拍戲又要準備演唱會,同時又要做好丈夫和爸爸的責任。談到家庭,他笑言女兒Chantelle就像迷你版郭富城:「非常好動,成日跑嚟跑去,但我好享受照顧佢嘅相處時間,一啲都唔覺得攰。」城城表示家庭事業照顧得妥當,就會覺得很幸福:「家庭對我都好重要,畀好大動力我去努力工作,成為一位優秀嘅爸爸。我最開心就係做完嘢,同屋企人食餐家常便飯,會覺得好幸福,煩惱同壓力都放低晒。」

工作及照顧家人外,城城又談到日常生活,他說:「無論工作有幾忙,我每日都堅持做1小時運動,sit up、踩單車、跑步等,keep住健康同最佳狀態,尤其係演唱會舉行期間就更加唔可以懶。」

娛聞樂陪你走遍全球追星,即Like「娛果」FB 專頁!
BannerBanner