【以許廷鏗為目標】將為張敬軒排舞 劉敬雯:要做舞蹈老師歌手

更新時間 (HKT): 2019.02.20 16:40
(右圖攝影:盧妹)

Nowhere Boys與劉敬雯(奶茶)今日到香港仔出席「香港亞洲流行音樂節2019」記招,奶茶去年代表香港出賽,她笑言今年升上神枱,為大會擔任舞蹈總監。奶茶透露將為有份演出的張敬軒排舞:「到時佢會畀surprise大家,自己都係舞蹈老師,所以今次為大會編舞冇咩壓力。」

講到今年的工作目標,她表示以許廷鏗為目標:「佢係牙醫歌手,我要做舞蹈老師歌手。入咗行兩年,好明白最緊要有嘢做,自己有份職業,又可以搵多條出路做歌手,好開心,所以更加要努力搵多啲錢。」

至於Nowhere Boys將代表香港出戰「亞洲超級新星大賽」,他們興奮之餘亦有點壓力:「不過我哋都係抱住enjoy嘅心態去做,都係當出騷咁。今次比賽,每個樂隊都會唱一首自己嘅歌同一首全世界都熟悉嘅歌,我哋揀咗Beatles嘅一首名曲,不過要賣個關子先。」

問到他們可會在造型上搶鏡?Nowhere Boys笑言要以古裝武俠片造型現身:「用番我哋首《天外飛仙》個MV造型,要耍埋劍。其實我哋最想睇多啲東南亞代表,期待聽吓泰國歌手演出,應該好特別。」

娛聞樂陪你走遍全球追星,即Like「娛果」FB 專頁!
BannerBanner