【呢啲咪好朋友囉】爆曾志偉係日本大地主 阿倫:打跛腳都唔使憂

更新時間 (HKT): 2019.02.21 17:02

譚詠麟(阿倫)昨晚在九展為ViuTV錄影《譚音樂譚欣賞大本型》,今年校長在日本慶祝農曆新年,休息過後,工作安排得密麻麻,問到日本之行有否自駕遊?他笑說:「你估我係曾志偉呀?佢喺雪地揸之嘛,不過都唔關佢嘅事,佢都好無辜,我都同佢講中完3T後,好似獲利回吐,不過今年冇事㗎啦,衰嘢都過晒喇!」校長還爆:「我哋之前都有去過日本旅行,志偉喺大阪、伊豆都有民宿,矮仔多屋呀,真係打跛腳都唔使憂,而家係大地主。」

同場還有前男團Square成員趙浚承(Gary),原來Gary已經成為校長旗下藝人,校長還說:「佢仲係明星足球隊嘅中堅分子,呢個係佢第一個願望,第二個願望係做歌手,而家全部實現晒!」Gary亦說:「校長對我好嚴謹,每次做嘢都有畀評語,不過佢唔會太hurt我。」問到校長會否容許Gary拍拖?他笑說:「乜嘢都得喇,而家乜嘢年代?乜嘢社會呀?我做得嘅,佢都做得,點解唔做得?」他還表示已經見過Gary的女友。

娛聞樂陪你走遍全球追星,即Like「娛果」FB 專頁!
BannerBanner