【情人節冇花收】媽咪催婚 Aka卸膊搵細妹幫手

更新時間 (HKT): 2019.02.21 13:01
Aka未搵到男朋友,對上一次錫過佢嘅,可能係上星期迷你音樂會嘅呢位小fans。(左圖攝影:盧妹/右圖:ig圖片)

趙慧珊(Aka)今日到商台為電台節目《公子會》錄音,她將為節目擔任客席主持:「暫時無限期嘅,每星期會錄一集。」Aka與森美、劉翁及火火做節目,三人出名多口兼轉數快,她笑謂幸好自己反應還可以:「我都有問佢哋要準備啲咩開咪,佢哋叫我咩都唔好準備,同佢哋做節目,學到好多嘢,轉數都快咗。」

Aka透露未入行前,曾為電台主持愛情節目,但自嘲當時沒甚愛情經驗:「啲意見唔係好到位,而家會好少少,有返啲歷練。」問到她現在的愛情觀?Aka即「交波」予妹妹:「妹妹就嚟結婚,而家開始試緊Solo,所以唔諗住。如果呢個時候拍拖,就會想結婚,會分散專注力。」

早前Aka生日,她表示未有追求者,亦沒收到男士送花,坦言有點失望:「而家一拍拖都想結婚,因為媽咪想我成家立室,暫時擺個希望落阿妹度先,叫阿妹生啦,生完可以再生。」

娛聞樂陪你走遍全球追星,即Like「娛果」FB 專頁!
BannerBanner