【爭做何嘉莉陪月】谷祖琳重溫抱B舊照 感觸道:想畀更多時間大女

更新時間 (HKT): 2019.02.22 16:47

谷祖琳、甄詠蓓、張錦程今日到尖沙嘴文化中心支持攝影師好朋友的攝影展,現場展出的作品,其中一張是小谷手抱剛出生長女相片,女兒頭髮烏黑,小谷展現幸福笑容, 捕捉了母女真摯一刻。

小谷透露和攝影師好友相識十幾年,由結婚、生小朋友、家中生活照都由對方操刀,展出照片是大女出生兩至三日,非常新鮮,望到這張照片,小谷說:「我好鍾意BB,自己未必會再生,身邊朋友生BB好似何嘉莉,我都申請去佢屋企湊BB,有啲人鍾意小朋友唔同階段,三歲或十歲,但我就最鍾意BB時候,好似雀仔一樣,冇乜還擊之力,只係食同喊。」有條件當上陪月員,小谷不排除向這方面進發。

相片亦令小谷回顧時間過得很快,大女現時已經六歲,她說:「本來都想再生小朋友,但呢一刻想畀更多時間大女,因為即將入讀小學,經常要自定規劃一啲學習給女兒,而家周邊環境資訊太豐富,好難令女兒坐定定睇書學習,好明白家長唔可以一方面畀太多小朋友,但另一方面就會怪佢哋難坐定定讀書,自己都要共同學習,所以要花更多時間。」小谷在農曆年演出了賀歲片,暫時工作方面都會小休,待有合適電影再開工並說:「好鍾意拍戲,不過任何時候湊女都係首選。」

娛聞樂陪你走遍全球追星,即Like「娛果」FB 專頁!
BannerBanner