【病咗都靚女】自爆西藏有艷遇 李佳芯:冇過夜,唔使驚

更新時間 (HKT): 2019.02.26 17:30

李佳芯今日在太古城出席宣傳活動,介紹享受無人商店體驗,隨着時代發展以及藝人身份,她近年都鍾情網上購物,遠離人多擠逼地方。

上網購物有時難免中伏,李佳芯舉例:「不同地方號碼唔同,有時件衫送到手,對我嚟講太大,所以買開幾間就嗰幾間。」至於會否在網上選購內衣?李佳芯說:「唔會啦,除非着開號碼一定啱先會網上訂,唔係就一定要去試。」並憶起在農曆新年前被影到在內衣店掃貨,李佳芯說:「其實只係諗住買件打底,俾人影到就話買喱士,自己已經好少行街,都俾人影咗,加上呢類型店舖起嘅標題可以好juicy,我個人冇乜fantasy,個新聞一出街,講到即刻性感咗,令人有幻想。」

李佳芯早前到西藏拍攝綜藝節目,進入5,000海拔高地,感受到高山反應,頭腦發脹,要每日食藥,但西藥有副作用,令她睡前手腳麻痺。李佳芯又笑言在當地竟然有艷遇,「見到靚仔會醒神啲,去到5,000幾海拔嘅關卡,有個更亭,一個杳無人煙地方,看更都可能好悶,有撩我傾偈,查我證件時見到我張相仲話我比起張相後生10年,搞到我幾開心,即刻覺得有高山反應都OK。不過拍攝完即日離開時我就好辛苦,個樣好病,又再撞番呢位看更,我話而家個樣唔似細10年啦,但佢依然都話係。」

李佳芯早已名花有主,問到其男友陳炳銓聽到後不知會否呷醋,她毫無避忌說:「又冇發生咩事,冇過夜,唔使驚,冇事嘅。不過去咗西藏7日真係好dry,唔係個人,係全身皮膚。」

娛聞樂陪你走遍全球追星,即Like「娛果」FB 專頁!
BannerBanner