【好耐冇拍拖】坤哥、鴨王虎視眈眈?王子涵傳秘撻「畀錢仔」李梓樅

更新時間 (HKT): 2019.02.28 17:40

29歲的王子涵入行十年,最近獲老竇王晶「欽點」在無綫劇《荷里活有個大老千》中擔任女主角,飾演身世可憐的「缽仔糕」丁小雨。雖然劇集已經播完,但子涵人氣未減,今日有周刊指不少人都想埋她身邊做「晶兵」,因為王晶一年開幾部戲,埋到「王晶女」身邊一定可以攞到着數。

有指拍劇期間,「鴨王」何浩文(Dominic)和吳業坤已經常撩子涵玩,放工又會約食消夜,但子涵似乎情傾才子。她被影到與《荷》劇編審李梓樅一齊食飯撐枱腳,男方扶住過馬路,又貼心送她返何文田豪宅寓所。

有指李梓樅曾在無綫擔任編劇,由於身形高大,樣子又有點像蕭正楠,他曾在旅遊節目《Do姐去Shopping》中出鏡做「畀錢仔」,又與李璧琦拍過拖。不過,李梓樅被指脾氣麻麻,被調往非戲劇組不久便辭職。後來因為信教,與不少教徒藝人相熟,更成功埋到王子涵身邊,繼而跟王晶搵食,好快升職做編審。

在李梓樅的IG發現,子涵亦有為他慶祝生日,更暱稱子涵做「涵妃」,叫得好親密。子涵今日回覆傳媒時否認拍拖,笑說︰「好流,真係好朋友,做完宣傳食啲嘢,真係咁簡單,朋友。」她稱現在是單身,問爸爸王晶有沒有催拍拖,可擔心「嫁唔出」?她說︰「都有一段時間(冇拍),老竇又真係冇急過,隨緣啦。」

娛聞樂陪你走遍全球追星,即Like「娛果」FB 專頁!
BannerBanner