【香港冇能力買樓】關楚耀想喺加拿大置業 JW連首期都搞唔掂

更新時間 (HKT): 2019.03.02 17:43
(攝影:曹家誠)

關楚耀、JW(王灝兒)、王梓軒、陳建安(On仔)和趙慧珊(Aka),今日到葵芳出席理財活動,其中關楚耀稱近年開始培養儲蓄習慣:「細個冇諗太多,波鞋同衫睇啱就買,但而家識未雨綢繆,想儲定啲錢做老婆本或者照顧屋企人!」他又稱藝人未必每年都順景,好應該儲定錢傍身。

問到可有投資?關楚耀表示以前試過投資餐廳和時裝店,結果都損手收場,損失六位數字:「有過經驗都驚驚,而家有錢會買保險,或者買古董錶做投資保值。」又透露目標希望一、兩年內於加拿大置業,他直言:「香港真係冇能力買樓,雖然加拿大都貴咗好多,但仍然負擔得起,所以希望盡快買到。」

至於JW就表示自己是慳妹,從小已被家人教導不要浪費及應使則使:「由返學時已經開始啲嘢用到爛先換,就算壞都會整,整唔到先買新,無論屋企電器同自己手提電話都一樣。」JW又表示有跟爸爸學習投資,問到會否置業?她說:「真係好難,連首期都搞唔掂,所以而家最好繼續儲錢同屋企人住,將來嘅事將來先算。」

娛聞樂陪你走遍全球追星,即Like「娛果」FB 專頁!
BannerBanner