【留最好回憶】《逆流大叔》導演恨捧金像獎 彭秀慧教路執靚行紅毯

更新時間 (HKT): 2019.03.03 20:08
攝影:陳俊強

黃秋生、陳詠燊、彭秀慧、袁富華、曾翠珊、黃浩然和甄栢榮今日在演藝學院出席精英校友對談,對於陳詠燊憑《逆流大叔》獲得金像獎新晉導演、最佳編劇、最佳導演提名,他表示有信心:「秋生師兄有句好好,有緣無求,我係想要,希望大家成全,提名當攞咗。」問到他最近有沒有度劇本?陳詠燊說:「有度緊,但想劇本成熟啲,我幾執着喺劇本上,如果寫得好,我先夠膽拎出嚟見人,所以未知今年成唔成事。」

提到彭秀慧於去年在金像獎頒獎禮,憑《29+1》獲得好成績,她寄語陳詠燊重點是當日穿甚麼衣服,在行紅地毯留下最好的回憶。陳詠燊說:「吳鎮宇經理人好好,特登介紹一位馬來西亞設計師畀我,好早已經幫我度身,嚟緊會專登飛嚟同我再試一次。」此時,彭秀慧問陳詠燊最想獲哪個獎?陳詠燊說:「如果真心,以個人嚟講,我幾重視編劇奬,因為我編劇出身,我寫咗19年,有呢個奬肯定自己係幾重要、幾有意思嘅事,睇緣份。」

彭秀慧的舞台劇《月球下的人》將會重演,她表示未知能否出席金像奬典禮:「4月14日金像獎,我諗緊嗰日演唔演出呢,開下晝又得唔得呢,而家開緊會傾,呢兩日會有決定。」此外,談到黃秋生現身對談會,是否為金像奬拉票?他說:「唔係,我套戲都未上,拉票房就差唔多,票房好我先有錢收,呢套戲我一毫子都冇收。」

娛聞樂陪你走遍全球追星,即Like「娛果」FB 專頁!
BannerBanner