【窮人免問】擺酒只請Do姐同麥玲玲 C君爆:可以補貼到

更新時間 (HKT): 2019.03.09 13:59

專家Dickson昨晚在會展舉行《專家Dickson一個人的童話式婚禮》音樂會,邀請了農夫、鄭欣宜等擔任嘉賓。說到婚禮,C君將於年底迎娶DJ女友黃天頤,因為雙方家長都希望擺酒,所以已訂好12月在酒店舉行婚宴。問到是否邀請陸永擔任伴朗?C君笑言:「都係嗰啲啦,司儀就唔好喇!因為好貴。我都有少少鍾意嗰啲嘢,大家覺得好煩嗰啲,好鍾意籌備婚禮嘅過程。」

C君表示由於親戚眾多,所以不會請很多圈中朋友:「不過Do姐(鄭裕玲)人情一定可以補貼到,一定會請佢,同埋玲玲姐。可能會搵日搞party請圈中朋友再玩。」陸永當年結婚好低調,沒有搞任何儀式,問到會否趁結婚紀念日補辦大型party?陸永笑言:「睇佢(C君)搞成點先,如果佢同我講收入幾好,高過演唱會,就搞啦。」至於到時會送甚麼結禮物給C君?C君即搶說:「唔好啦!仲禮物,折現啦。」陸永笑說:「送相架,唔好錢,太庸俗。」

此外,欣宜透露剛去了荷蘭和英國,為一位女性朋友慶祝生日。感情方面,她笑言正與工作談戀愛:「我想搵一個佢愛我多過我愛佢嘅人,最好跟住結婚生仔,我都好渴望結婚之後,可以去半島high tea,夜晚約女朋友打牌,得閒就去shopping,不過呢啲生活最後係忍唔住打畀經理人問有冇工作做。婚後有兩個月少奶奶生活都幾好。」

官恩娜(Ella)當年在speed dating中認識到醫生老公,問欣宜會否考慮參加?她說:「有次同朋友去沖繩落club玩,見到有人參加,我哋想加入但被拒絕,因為唔識講日文冇得玩,我都想好似Ella咁生個mix baby。」講到和蕭定一公司的合約問題,她指雙方關係良好,會繼續合作。

娛聞樂陪你走遍全球追星,即Like「娛果」FB 專頁!
BannerBanner