【自認佛系】鄭俊弘、何雁詩結婚要隨緣 翟威廉冇理呂慧儀感情狀況

更新時間 (HKT): 2019.03.09 20:40

魔術師甄澤權(Louis)今日與女友李綺嘉(Elffi)今日結婚,多位圈好友如梁麗翹、陳欣健、張名雅、麥玲玲、鄭俊弘、何雁詩、楊洛婷與老公黃天翱、翟威廉、陳嘉寶與老公黃頌祈、吳若希及老公何兆鴻、莊思明、莊思敏等出席婚宴。

與女友何雁詩一同到場的鄭俊弘,被問到如何恭喜一對新人,他們說:「畀人情做禮,佢哋鍾意買咩就自己買。」是否來取經?鄭俊弘說:「唔使住,我哋有份參加已經好開心。」問到他們是否有計劃結婚?他說:「又未喎!」而何雁詩則說:「我哋係好佛系嘅。」鄭俊弘補充:「呢啲嘢就隨緣啦,首先要做好工作先,因為而家拍緊《法證先鋒IV》,今個月就會煞科喇!」而何雁詩4月會開劇:「今次做女警,而家要操Fit啲。」記者讚她現時已好Fit,她笑說:「Fit同Fat都係差一個字。」身為男友的鄭俊弘則大讚女友好Fit,更透露有時也會跟着女友去健身。

至於曾跟呂慧儀合作拍旅遊節目的翟威廉,問到是不是去年已知他們由夫妻變成朋友,他說:「我一直都冇問,冇去理,最緊要係佢開心,我一直都好少見佢,都係上年台慶見過佢,所以我對呢件事冇評價。」

問到有沒有結婚計劃,他指:「冇啊,因為都忙住做嘢,都係八年後先再打算啦。」早前孫耀威大陸直播,有7位數字收入,翟威廉也有做直播,問到他有沒有賺,他說:「我肯定冇咁多,其實錢唔重要,最重要係搞好個風氣,本身我有個團隊,成日會打籃球、打功夫,所以點樣去統合都要花時間,呢個計劃好漫長。」

有份做兄弟的林盛斌(Bob)笑言十幾年來做過無數次兄弟,但今次最輕鬆,他說:「班姊妹好好,安排十點幾十一點先集合,最初仲話唔玩遊戲,咁我又覺得少少都要,最後咪食wasabi同掌上壓囉。」Bob讚甄澤權是出色後生仔,他說﹕「識咗佢十年八年,為自己夢想努力實踐,同拍拖16年女友修成正果,好難得。」

問到有甚麼夫妻相處之道和生仔招式?Bob說:「老婆永遠唔會錯,錯永遠係自己。而根據李居明所謂,下午三點至七點,自己努力啦!」

婚宴開始後,甄澤權上台多謝親友,他說:「我唔係生於有錢家庭,爸爸係中學校長,媽媽喺銀行返工,佢哋好支持我,令我冇後顧之憂。我多謝太太,當大家唔相信香港有魔術師誕生,佢相信,當大家唔信我有自己節目,佢相信,當大家唔信我可以走出香港拎獎做巡迴,佢都相信。」場面非常感動。

娛聞樂陪你走遍全球追星,即Like「娛果」FB 專頁!
BannerBanner