【緣份到了便會同場】方力申傳與前度主持金像獎 Stephy:好多人問我

更新時間 (HKT): 2019.03.09 16:36

任賢齊、方力申(小方)、鄧麗欣(Stephy)、陳家樂、陳瀅、衛詩雅及顧定軒,今早在香港仔出席第七屆「揹水一戰」慈善跑山比賽 。

與衛詩雅一齊受訪的陳家樂透露自己多年前曾參與過這項活動,但卻未有足夠準備以致受傷,衛詩雅指摘陳家樂沒有提醒她要注意的事項。對於緋聞女友陳瀅今天一同出席活動同台合照,陳家樂表示不知對方會出席,對於報道指二人沒有聯絡,陳家樂說:「見到會打招呼say hi,唔知佢會唔會一齊跑。早兩日先同埋同事一齊食飯。傳媒話我哋冇聯絡,因為我唔喺香港,所以冇聯絡啫。」衛詩雅笑指陳家樂經常被問及緋聞,陳家樂顯得尷尬兼面紅,又作狀打衛詩雅制止對方嘲笑。而陳瀅則表示:「原先係要出席另一活動,但因為取消,所以今天可以出席。」

至於已是第5年參加這項活動的Stephy說:「過去一年好忙,唔得閒打排球,亦冇時間做運動,但體能上應該應付到。」前度小方亦有到場,Stephy表示好多機會有一齊出席活動,所以不會尷尬。對於早前維基百科指Stephy與小方會一齊為今屆金像獎擔任司儀,Stephy說:「自己都覺得奇怪,好多人問我呢件事,金像獎都澄清咗冇呢件事,相信金像獎唔會咁樣安排。」

小方因為整傷右腳所以不能參賽,他說:「因為韌帶撕裂,醫生要我戴保護帶,6個星期暫停做運動,瞓覺都要戴住,如果唔保養治療,將來有機會要做手術。」對於金像獎司儀傳聞,小方說:「聽到好興奮,如果我能夠有機會做金像獎司儀好開心。」小方表示願意與Stephy合作,他說:「我OK,因為我哋係做娛樂,觀眾想睇我哋就做。我哋見面唔會尷尬,我哋私下都有一啲共同朋友,經常見面。」

小齊專程從台灣來香港出席今次活動,小齊說:「多年以前去探訪,見到山區嘅小朋友,因為缺水而要攀山涉水而去攞一桶水,自己睇到好心痛,好想幫佢哋,所以每年都參加。」小齊表示,今次來港數天,多位導演找他傾劇本,他說:「好多謝大家見到我係一個用心嘅演員,自己之前為一部戲增肥所以一年冇見人,而家開始逐漸收身由100公斤減到去70幾公斤,因為可能隨時要補戲,唔夠膽減得太盡 。」

娛聞樂陪你走遍全球追星,即Like「娛果」FB 專頁!
BannerBanner