【呂慧儀缺席】甄澤權娶老婆被罰食wasabi 陳庭欣反串做兄弟

更新時間 (HKT): 2019.03.09 18:40

魔術師甄澤權(Louis)與女友李綺嘉(Elffi)今日共諧連理,二人今晚在中環四季酒店舉行婚宴,筵開20席,婚禮花費接近七位數字。而Louis的兄弟團中,除了幾位圈外朋友和林盛斌(Bob)外,他亦找來好友陳庭欣(Toby)反串做兄弟,而Toby亦配合兄弟團,束起頭髮穿西裝上陣。

一對新人傍晚5時許,在酒店會見傳媒,兩人影相時應記者要求錫了3次,之後二人切蛋糕讓大家拍照,並合巹交杯飲香檳。二人接受訪問,問到新郎哥Louis接新娘時是否好感動?他說︰「都有喊,係玩遊戲輸咗食wasabi喊,至於愛的宣言,都有簡單講,因為我一講就喊,所以留番今晚,親朋戚友喺度,我就講多少少,今晚盡量忍住,但我都會忍唔到。」問到今早向長輩敬茶時,是否最感動?太太Elffi說︰「都係,但我哋之前註咗冊,所以經歷過一次。」Louis補充說︰「啱啱有個位幾感動,岳父將佢交畀我嘅時候,同我講咗一句『我個女交畀你喇!』嗰個位有少少,責任大咗好多。」

談到今早接新娘,Louis表示開門利是開心價,甄太更說︰「我啲姊妹好好,冇刁難佢,錫住佢。」至於接新娘的遊戲有沒有難度?Louis笑稱︰「我同兄弟喺門口諗緊唔開門點算呢?我哋敲門又冇反應,我準備穿牆入去嘅時候,佢哋就開咗門,入到去就要答5條問題,我答錯咗3條,所以被罰食wasabi、掌上壓,成班兄弟要企喺一張紙上面,都係一啲小懲罰,開心嘅。」至於對太太有何承諾?他說:「對佢好啲,希望佢幸福。」財政方面,是否交給太太?他笑謂︰「佢都管咗好耐。」至於生仔大計?他說︰「小魔法王,順其自然,冇計劃幾時,我哋二人世界咗好耐,所以可以隨時。」婚後二人要延遲度蜜月?Louis說︰「婚禮後要做嘢,要拍廣告,所以要延後少少,去咩地方就太太話事。」甄太表示想去英國、德國,但她較喜歡歐洲,因為夠浪漫。

至於今晚婚宴,問Louis會否表演魔術?他說︰「會有少少魔術表演,但魔術以外嘅環節係有準備,幾特別(唱歌?)有機會,可能係跳舞、打功夫,我都練咗個幾兩個月。」不過太太Elffi表示︰「我唔知佢有練。」問他酒量如何?他說︰「我唔飲得,(靠Bob頂酒?)通常佢喺中段已經醉咗,所以佢喺度,責任仲大咗。(梁競徽同Bob係『醉』佳拍檔?)孖寶,今晚嚟嘅人都會飲,但我要準備一個環節,所以頭段就盡量唔飲,因為要好專注,臨尾嘅時候,睇下追唔追得番佢哋嘅進度。」

此外,昨晚呂慧儀宣佈離婚,而Louis都有請她飲,Louis說︰「本來係有請,啱啱知道佢嚟唔到,(因為離婚所以唔嚟?)佢冇講原因。」

娛聞樂陪你走遍全球追星,即Like「娛果」FB 專頁!
BannerBanner