【Super Girls仍在進行中】單飛出歌有信心 Aka想食兩家茶禮

更新時間 (HKT): 2019.03.13 15:24
(左圖攝影:仇志德)

趙慧珊(Aka)與張慧儀今日到尖沙嘴出席活動,Aka早前推出首支個人歌曲《你在聽嗎?》,她興奮表示反應比預期好,為自己打下強心針。

Aka感謝大家的喜愛:「真係喜出望外,好多音樂平台都會認識Aka,我都有留意住啲點擊率,仲問咗好多音樂人嘅意見。」她笑謂對單飛有信心:「我仲問過Phil(林奕匡),不過要等佢有時間先,自己無限期期待中。」至於她所屬的組合Super Girls去向如何?Aka表示計劃進行中並搞笑地說:「我都鍾意食兩家茶禮,因為搵嘅錢會多啲。」

Aka又透露下月將到英國短期進修:「因為自己上年開咗個畫展,都想喺藝術方面再進修吓,不過只係10幾日嘅短期課程咋。」她指可以趁機享受假期:「真係好邪㗎,次次出埠就有工作。原本公司叫我早一日返,之後又話早多兩日,我喺度諗係咪要成日買定啲機票扮飛,等我可以多啲工作做,哈哈。」

娛聞樂陪你走遍全球追星,即Like「娛果」FB 專頁!
BannerBanner