【三個夠晒數】被批越多女人越有財富 鄧兆尊:呢句嘢可以判死刑

更新時間 (HKT): 2019.03.14 16:12
攝影:黃曉妍(左)

鄧兆尊昨晚在九龍灣為ViuTV玄學節目《點相》擔任嘉賓,他透露在節目中,皓云師傅批他越多女人就越有財富:「我一聽到,即刻面青,呢句嘢可以判死刑。」兆尊表示更獲師傅提醒他將會有個小劫,他說:「我60幾歲嘅時候係有個小劫,我自己都知,我估係健康,冇乜大問題嘅。」會否每年驗身?他直言會被迫去驗。

再問有否叫師傅看他有沒有子女緣?兆尊即笑說:「冇講喎,係喎,應該問吓呢個問題喎,如果佢話有,我點算?會好煩㗎,你知我有幾個已經『收咗工』,講笑啫,呢啲隨緣啦!」此外,對於有報道指兆尊的家族西貢地向城規會申請改劃,他解釋:「我細佬(兆榮)聽朋友講,試吓規劃咗先,將來做買賣會好啲,既然佢做咗就由佢去做,其實無傷大雅。」會否打算發展?他即說:「冇,嗰度咁多蚊,而且好偏僻。」

娛聞樂陪你走遍全球追星,即Like「娛果」FB 專頁!
BannerBanner