【影視博覽】發揮幽默感!黎明急口令推廣大灣區籲年青人多交流

更新時間 (HKT): 2019.03.18 16:15

財政司司長陳茂波、香港貿發局影視娛樂業諮詢委員會主席林建岳及香港影視娛樂大使黎明為影視博覽致辭,主持啟動儀式,黎明玩急口令即興發揮幽默感,推廣大灣區,現場播出黎明早前為大會拍的「想倒轉都背得返」宣傳片,陳茂波驚嘆黎明在片中將對白倒背如流,全場大笑,片段播出以來,已有35萬點擊率。

司儀問到科技和創意兩者怎樣互相影響,黎明說:「其實好多人會利用新科技,例如互聯網去做自己的創作,呢個創意持續好長時間,只要搵到啱嘅團隊、有一班好嘅朋友,熱愛創作嘅人,一步步發展成評估唔到將來會產生嘅娛樂方式。」

被問大灣區發展概念在娛樂上有甚麼商機,黎明解釋:「商機係對於創作、搵嘢做,喺香港搵嘢做,多數搵番同區,識講廣東話,而大部份大灣區嘅人好多都識聽識講廣東話,當然識講埋普通話,如果可以溝通,近自己屋企嘅時候,會有好多唔同地方攞到靈感,又有新地方衝刺同交流,相信對年青人係一個好嘅起步點,香港一個咁細嘅地方,又發展咗一個長時間,係時候互相交流,產生更多嘅機會,讓年青人去做更多創業,好似網上、幕後、音樂電影嘅朋友,做得好,商機自然會搵你。」

娛聞樂陪你走遍全球追星,即Like「娛果」FB 專頁!
BannerBanner