【影視博覽】Moka陀仔定女? 城城聽媽咪話保持神秘

更新時間 (HKT): 2019.03.18 19:33

郭富城、楊千嬅和顧定軒為《麥路人》宣傳,城城在台上說因為投入,以為自己患上絕症,幸好醫生證實沒有其事;千嬅則感謝城城帶她入戲,更指城城為了投入角色,甚至沒有進食。

近日有指城城在家擺放「金龍多子陣」求添丁,他受訪時否認,並說:「梗係唔係啦,其實自己屋企一直都有呢樣嘢嘅,用來保家宅平安,並唔係嗰啲亂咁作嘅嘢。因為之前打風打爛咗,(但以前唔係金色㗎喎!)因為整爛咗,所以整番穩陣啲,其實主要係保家宅同家庭,因為自己已經係人哋嘅爸爸,需要去保護屋企人,去保佢哋平安。」

提到太太方媛(Moka)現正陀B,城城表示對生仔或生女都無所謂,只是想女兒有多個伴,他指因為Moka來自一孩之家,知道她的成長過程比較孤單,自己都希望小朋友可以有人陪,所以男女都無所謂。記者指傳聞Moka陀仔,城城表示:「吓,我未check喎,我唔會理佢。」對於太太Moka之前post baby shower相中有藍色蛋糕,被指是暗示陀仔(新聞連結: https://bit.ly/2UIdGAK ),城城表示:「我唔明你哋點解咁介意呢啲嘢嘅,我真係冇所謂。」

城城身旁的千嬅就表示:「係呀,好似我咁傳統嘅,陀住嘅時間都唔會講囉,因為老人家唔鍾意。」城城隨即表示同意,更稱:「我媽咪都唔想我成日提,所以唔好成日問我喇,最緊要屋企人身體健康。」

另外,鄭秀文(Sammi)、鍾鎮濤(B哥)、賴雅妍及李曉峰為《花椒之味》宣傳,3女在片中演B哥的女兒,提到現年66歲的B哥要演46歲的Sammi的父親,他笑言:「可以靠化妝㗎嘛,如果扮後生就難啫,做老竇唔難。如果計番我10幾歲就做老竇的話,都可以生到Sammi出嚟嘅。」

B哥又透露,其實6、7年前曾經考慮要拍這套戲,因為自己都有構思過,3個女分別在中港台三地生活,但自己之後就不了了之;Sammi亦指,自己6、7年前就已經收過此片的劇本,但也是不了了之,不過最終劇本還是回到手上及接拍了,她說自己在家中排行最小,對上有3位胞姊,但在片中卻演大家姐,一埋位便有憐惜妹妹的感覺,有一種責任感,亦有個大家姐風範去照顧她們。

講到Sammi在另一套電影與任賢齊合作,她說之前見到小齊為了拍戲增磅,最近又要減肥,覺得做藝人除了演技亦要有意志,覺得對方很利害,將舉行演唱會的Sammi又笑言快要輪到自己減肥。

另外,由金像獎得獎導演周顯揚執導,杜緻朗監製的新戲《我們永不言棄》,韓國人氣男團Super Junior前成員韓庚、姜皓文、李詩穎及小妹妹蔡書靈等演員在影視展為新片宣傳。韓庚在戲中演一名拳手,要與真實拳手對打,周導演透露,為了拍攝出最佳效果,拍攝前花了4個月接受訓練的韓庚不用替身,打真軍上陣,據後期統計,韓庚的臉上被打了過千拳,剪接後輯錄於電影中的更有超級300拳。韓庚說:「捱打很辛苦,拳手出拳很快,但我還是想自己上場,挑戰自己極限!」

娛聞樂陪你走遍全球追星,即Like「娛果」FB 專頁!
BannerBanner