【失蹤人口】少女雜誌陳樂敏黎芷珊敍舊 網民:食咗防腐劑

更新時間 (HKT): 2019.03.18 17:10

「芷珊姐姐」黎芷珊除了做過兒童節目《430穿梭機》及《閃電傳真機》外,其實她還有另一個身份,就是--歌手,84年芷珊曾孖陳慧嫻、陳樂敏(Monica)合組「少女雜誌」出碟,成為一碟組合,消失娛樂圈30多年的失蹤人口陳樂敏,原來別來無恙,昨日跟芷珊敍舊兼慶祝生日。

芷珊在社交網貼合照並留言:「記得『少女雜誌』嗎?當年除咗我同陳慧嫻仲有佢陳樂敏。今日係佢生日,Monica Chan Happy Birthday my dear, stay happy and healthy! Love you!」

30多年沒露面的陳樂敏樣子變化不大,身型keep得好好,網民留言:「兩個都食咗防腐劑咁」、「Wa,陳樂敏,約埋慧嫻再次重組『X女雜誌』」、「在當年,三人組合,男子有『小虎隊』,女子有『少女雜誌』,也是旗鼓相當的。祝生日愉快,健康幸福,事業順利。」

今日芷珊回覆傳媒表示:「我哋一直都有keep住聯絡,唔係失散咗嗰隻嚟㗎,兩個月前仲一齊去咗日本玩。」芷珊和陳樂敏是中學同學,當年芷珊參加歌唱比賽,被音樂人安格斯發掘入行,84年孖陳慧嫻和陳樂敏組成「少女雜誌」出碟,陳慧嫻憑《逝去的諾言》一炮而紅後單飛發展,85年芷珊和陳樂敏推出第二張唱片《少女宣言.絕對熱戀》,其後因唱片公司陷入財困,陳樂敏決定退出樂壇,有指她轉到商界發展。

娛聞樂陪你走遍全球追星,即Like「娛果」FB 專頁!
BannerBanner