【新戲做巴渣惡女】吳千語大露背好搶鏡 爭抱BB大顯母愛

更新時間 (HKT): 2019.03.18 20:30

鍾欣潼(阿嬌)、吳千語、閻奕格等今日在灣仔出席東方影業春茗,主人家黃百鳴就三代同堂出席。吳千語大露背出席搶去好多鏡頭,閻奕格亦穿上tube dress晚裝非常隆重,不過轉身時背後有少少爆拉鏈,記者笑問是否上圍太豐滿?她答:「其實一直都係咁。」

會場放有有吳千語與阿嬌新電影《女子監獄》的poster。吳千語表示:「其實套戲都拍咗一段時間,之前唔講得住,戲入面好多打架、扯頭髮場面。自己平時好少有呢一面,今次覺得自己好巴渣。」她說有重溫《監獄風雲》惡補,但對白中竟然沒有粗口!她表示:「唔知係咪電影類別問題,冇加到入對白入面,其實平時自己有需要都會講,情緒發泄都會講,唔係咩咁特別。」

阿嬌早前透露肥了不少,最近要勤力減肥:「開始減緊,做運動、節食,而家淨係食一餐咋。平時食7餐都得,每次都可以食晒,自己好大個胃。」好姊妹阿Sa即將進行雪卵,阿嬌之前已經完成整個雪卵程序,她回憶起過程都說好難搞:「自己之前雪都肥咗廿磅,當時成個演唱會最肥,要叫醫生護士上門打針,會影響荷爾蒙,會變肥,好難搞。」她表示如果要請教心得要問容祖兒:「Joey肥都冇肥過,每人個反應都唔一樣。打完針影響荷爾蒙,又要做一連串排毒過程,又要控制飲食,要搞好耐先回復正常。」

阿嬌又講到電影《女子監獄》:「好多打鬥場面,記得有一幕群毆場口,大力得濟扯甩咗個替身嘅假髮,本身係一個好惡嘅樣,但都忍唔住笑咗。之後補拍番,都唔敢扯得咁大力。」

娛聞樂陪你走遍全球追星,即Like「娛果」FB 專頁!
BannerBanner