【一提囡囡冧晒】相隔21年再演步驚雲? 郭富城:Why not?

更新時間 (HKT): 2019.03.20 21:15
(攝影:陳俊強)

郭富城今晚從澳門趕返港,到中環出席活動,他透露自己鍾意傢俬,他說:「因為喺屋企有好多時間都會置身喺傢俬中央。」他指受訪前已行了一圈看展覽,已有心水,他說:「見到張蛋形吊椅,同一張可以坐3、4個人嘅梳化,自己好心儀嘅,都睇咗好耐。(如果囡囡同老婆話鍾意,係咪會更加不惜工本去買?)係啦!因為太太而家行動唔係咁方便,如果唔係一定帶佢嚟睇。」

提到太太方媛(Moka)陀B,新成員就快報到,問城城買了BB床未?他說:「BB床本身都有,因為都有啲人送,希望品牌出張BB床,由我做designer去設計。(咁家姐買咗禮物畀新成員未?)咁又未,不過成日都同佢傾囉,佢知道自己要做家姐,同埋而家都歲半喇,講嘢都清晰咗好多,尤其是嗌爸爸媽媽,我哋好冧!同事上嚟屋企都讚囡囡好得意,又鍾意揮手,大家走嘅時候又會bye bye同飛吻,好似親善大使一樣,我覺得真係好幸福。自己知道好嘅家庭會畀到溫暖你,可能我本身都係暖男啦!」

提到古天樂的電影公司將開拍《風雲》,城城表示:「睇咗故事同內容先,都要等佢哋同小美傾,知道有聯絡咗嘅,不過睇咗劇本先,我同任何演員合作都好welcome嘅,而且古仔又係本哋嘅演員,why not?」

娛聞樂陪你走遍全球追星,即Like「娛果」FB 專頁!
BannerBanner