【廿四孝爸爸】61歲Do姐追睇韓國男團BTS 陸永Bob為囡囡撲演唱會飛

更新時間 (HKT): 2019.03.22 14:20

韓國人氣男團防彈少年團(BTS)前日來港開騷,其演唱會門票一早售罄,可謂一票難求。原來圈中有星二代是BTS粉絲,好似林盛斌(Bob)的10歲大女Faye(林霏兒),以及陸永的7歲大女Hannah(陸一穎),這兩位前世情人想見偶像,Bob和陸永都出盡百寶去撲飛,滿足囡囡的願望。

BTS前日在香港亞博館展開一連四場世界巡迴演唱會香港站,向來喜歡韓星的Do姐(鄭裕玲)原來撲到飛,前晚首場騷,Do姐更帶陸永囡囡Hannah去睇騷,61歲的她在IG留言﹕「沒有年齡障礙。」至於陸永兩夫婦帶囡囡Hannah到場交給Do姐後,陸永在IG貼相留言︰「兩位少女心梗係約埋入去睇BTS啦!一對中坑父母梗係喺場館外面等啦。多謝 do_do_cheng 將咁珍貴嘅飛送咗畀Hannah,也感謝Glen全晚湊住Hannah仲要拍片畀我睇。」

至於昨晚第二場,就有阿Bob呢位廿四孝爸爸為囡囡撲飛。他太太Pearl在IG直播,正在和三位囡囡Facetime的阿Bob,片中Bob說︰「嗱!你哋三個一陣去亞洲博覽館睇BTS。」說罷三個女大聲尖叫,媽咪Pearl說︰「你真係好開心,好誇張喎!」大女霏兒開心到喊,還邊卒眼邊說︰「我想知道點解會咁?」媽咪再說︰「你睇吓爸爸幾錫你,測驗都畀你睇BTS,BTS即係back to school,哈哈!」事後Bob在IG再留言,表示大女和二女翌日要英文科測驗,笑指囡囡的答案應該全部都是「BTS」,連阿Sa(蔡卓妍)看到也留言︰「呢個爸爸真係好。」

娛聞樂陪你走遍全球追星,即Like「娛果」FB 專頁!
BannerBanner