【東華屬校屢爆醜聞】卸任在即心情受影響 王賢誌:許下承諾希望辦得到

更新時間 (HKT): 2019.03.23 20:00

鄭家純及兒子鄭志剛、莊紹綏、林建岳及女友林寶賢、細劉劉鑾鴻、大劉劉鑾雄太太陳凱韻(甘比)、郭羅桂珍、玩具大王蔡志明夫婦、何超瓊、東華主席王賢誌、李民橋夫婦、趙世曾、許晉亨夫婦、盛智文等,在尖沙嘴出席酒店開幕禮。而早前與同性伴侶Sean離婚的趙式芝,約於晚上8點單拖出席。

王賢誌於一星期後將卸任東華主席,現時仍要主持學校開幕禮等等,問到現時進行相關活動,會否太敏感?他說:「其實我哋係一個好大嘅辦學團體,中小學有成50幾間,唔會完全停晒,校長同老師都會繼續上堂。我早幾日先同學生喺杜拜返嚟,去一帶一路考察團。」

東華所屬學校接連爆出各項事件,王賢誌說:「其實我哋內部都有溝通同研究,不過唔想就個別事件講太多,自從第一件事後,有好多人向我投訴,包括有一啲已經離職員工,但有緊急事要處理咗先,暫時未有時間逐一檢視。」他又認為事件屬不幸,雖然即將卸任,但有責任向公眾交代。他又說或多或少都有影響心情:「但我會以另一個身份服務東華,自己會做顧問。我許下嘅承諾,一定希望辦得到。今日家屬都見過調查委員會,不過唔可以講太多。」

王賢誌已安排卸任後的工作:「第一件事想搵吓錢先,唔局限係咩工作,家族生意會繼續做,同埋都接咗套電影,未試過好有趣。」

甘比乘坐掛有車牌「1 L0VE U2」的車到場,下車後她見現場有大批傳媒,大方企定定讓傳媒拍照,並向大家揮手,十分有善。當記者叫她可否停下做訪問,原本她已行入會場,她亦轉身向傳媒示意,不做訪問。

娛聞樂陪你走遍全球追星,即Like「娛果」FB 專頁!
BannerBanner