【大紅大紫】漢洋五月底舉行三十周年演唱會 戰友Amy送上紅色底褲

更新時間 (HKT): 2019.03.28 17:41
攝影:林賓尼

漢洋為慶祝入行三十周年,五月底將於旺角麥花臣舉行三場演唱會,今日在灣仔舉行發佈會,邀得譚嘉荃(Amy)、吳國敬、張崇基、張崇德、鄧健明,冼國林及師傅蘇珊到場贈慶。

好友們紛紛送上賀禮,其中多年戰友Amy送上紅色底褲,喻意漢洋大紅大紫、師傅蘇珊送面膜、張崇基與張崇德送唱K神器,提醒漢洋不要亂說話,場面搞笑。

漢洋表示是首次舉行售票個唱,非常感激身邊朋友的支持:「其實冇諗過要開演唱會,但係今年係入行三十年兼五十歲生日,當係一份生日禮物送畀自己。」他透露去年看過同屆新秀李國祥的演唱會,覺得是時候可以舉辦自己的演唱會:「我覺得佢個show好好睇、好真,我自己都睇晒三場。其實我唔多成名歌,初初真係有啲驚,但係而家會以大型聚會形式去做,會分享好多自己嘅心路歷程。」他笑謂為人很悶,所以不要預期有料爆。

娛聞樂陪你走遍全球追星,即Like「娛果」FB 專頁!
BannerBanner