【動腦Q】陳志雲臨場執生技巧一流 幫到換錯衫葉童冇甩場

更新時間 (HKT): 2019.03.29 22:58

「志雲大師」陳志雲今晚為《動腦Q》作嘉賓主持,志雲曾主持類似獎金遊戲,不過他說沒有玩過《動腦Q》。他又說做LIVE時遇過很多突發事件,其中一次印象深刻的是舞台劇,當時與葉童有對手戲,但原來葉童換錯衫,無人出場接他對白,同時他又聽到後台傳出「哎呀」一聲,因為觀眾不知道出現突發狀況,志雲就自己執生再講多兩句對白,成功等到葉童出場。

今集主題是「茶記」,問到志雲平時到茶記喜歡哪款食品,他說:「揚州炒飯,如果炒得好,啲飯可以一粒粒咁炒出嚟。」不過食得太多茶記好易肥,志雲就教大家keep fit:「千祈唔好唔食自己喜歡嘅嘢,唔會有受苦感覺,可以食少少。」志雲主持完《動腦Q》,終於打動到芳心,表示之後會參加遊戲,不過就有要求:「獎金再加大,薪金加多啲!」

之後志雲接受訪問,講到有線、亞視裁員,志雲曾為無綫、亞視、香港開電視效力,他說:「好難去評論,我唔係局中人,整個媒體環境轉變中,特別有好多新競爭出現,所以有資源重組在所難免。不過與此同時,有咁多新平台,對內容都仲係有需求,希望呢啲離開咗嘅員工,可以再投身呢個行業,未必係俾人請番,可能係自己開公司都得。」

今日(29日)10:30pm的動腦Q,陳志雲任嘉賓主持,有10552人玩,777人中,50人各得$1000元。

娛聞樂陪你走遍全球追星,即Like「娛果」FB 專頁!
BannerBanner