【為麥美恩做媒】看黃翠如婚後放閃 洪永城:第時我都會

更新時間 (HKT): 2019.03.30 17:20
(左圖攝影:陳俊強)

洪永城、麥美恩(Mayanne)和黃德斌今日到中環出席戶外服裝品牌活動,其中洪永城表示受女友影響,最近都開始接觸跑步:「有時想喺屋企hea吓都唔得,得半個鐘都俾佢拉出去跑一轉。」洪永城稱現時跑步跑上癮,有意稍後到海外參加馬拉松比賽。除了跑步之外,洪永城透露近來又開始打籃球:「同一班圈中朋友周志文、周志康同翟威廉佢哋打,其實我都幾有籃球天份,唔拍劇嘅話我應該去打咗NBA。」

至於Mayanne就指自己因天生骨架大,故不能做太劇烈運動:「我怕操得太勁着晚裝唔好睇,所以淨係會做瑜伽或者拉筋。」她又透露洪永城有意安排飯局介紹對象給她,洪永城笑言:「係呀,我同朋友講有個單身嘅有樓富婆可以介紹。」Mayanne笑言自己不介意這類型飯局,因平日只顧工作,笑稱要衝出將軍澳,但首要是遇到合適的對象。講到好友蕭正楠和黃翠如經常放閃,洪永城笑言要叫對方收斂:「不過好難講,可能第時我婚後都會。」

另外,黃德斌透露受周潤發影響,最近開始跑步行山,更有意參加比賽,他說:「發哥引我跑到上咗癮,自己一向做開gym,試過跑步都覺得幾好,體能都改善咗。」

娛聞樂陪你走遍全球追星,即Like「娛果」FB 專頁!
BannerBanner