【會唔會多過26萬?】MIRROR粉絲多過農夫唔擔心 C君只記掛麥玲玲封幾多禮金

更新時間 (HKT): 2019.04.01 14:00

組合農夫、MIRROR及MastaMic昨晚在西九文化區擔任音樂會表演嘉賓,由MastaMic打頭陣,MIRROR壓軸,現場有很多MIRROR的fans,問到農夫會否擔心被比下去?農夫說:「我哋都冇比拼嘅心,之前幫好多活動做MC,已經係MIRROR做嘉賓。」陸永笑言農夫應該有fans,但怎樣也不能和MIRROR比:「點解要諗呢啲?希望MIRROR fans到時叫埋我哋就好喇!」陸永笑說大會安排MIRROR壓軸很是妥當,農夫表演時fans還未離場。

提到劉丹、羅樂林、陳榮峻及黎彼得組成「大四喜」齊齊玩Hip Hop,同是Rapper出身的陸永大讚:「佢哋好犀利,啲歌詞連IG都唔知嘅時候,佢哋不斷唱仲係咁勁。」會否和他們合作或Battle?農夫表示可以合作的名單有好多,除了之前說好會和康華合作之外,有機會也想和「大四喜」逐一合作。陸永又笑謂:「佢哋而家至開始,去到佢哋嘅年紀時,我哋反而想做演員。」

至於早前求婚成功的C君,被問到籌備婚禮進展,他表示得到麥玲玲師傅的幫忙,解決了不少問題:「唔知點解佢識咁多人,之前問我需要乜,佢有好多贊助,亦畀好多資料我,相信佢未嚟飲我已經慳唔少,應該有賺囉。」陸永即說:「之前玲玲姐同我講,試過飲一個喜酒畀咗26萬人情。」C君笑言:「擺過酒都可以再擺,問佢係咪真係畀咁多先?到時收到人情,直情可以去買樓。」

此外,MIRROR第一次齊人12位成員在戶外表演,他們說:「噚日天氣唔係咁好,曾經落雨,fans都有提我哋個台會好跣,最初擔心活動可能會取消,不過執生技巧我哋最叻,fans亦都最喜歡睇我哋呢啲位。」

娛聞樂陪你走遍全球追星,即Like「娛果」FB 專頁!
BannerBanner