【榮升星媽】講起兒子張鎬濂勁開心 洪欣提婚變即收口

更新時間 (HKT): 2019.04.03 15:49
(攝影:馬建華)

洪欣今日到觀塘擔任復活節活動揭幕嘉賓,已榮升為星媽的她,表示對星媽稱謂感覺怪怪的,她笑指星媽應該帶着仔女周圍演出,但她連見兒子張鎬濂的機會也沒有:「佢忙到不得了,日日都有嘢做,唔使工作就返韓國訓練,有時同佢傾完電話,轉頭會突然打嚟話幫佢訂機票返香港,返嚟一日又突然話要走,要幫佢訂第二日最早機票,所以我完全唔知佢通告。」洪欣透露鎬濂好珍惜回家見面機會,有時知道他在一個城市逗留兩、三日演出,她都會專程飛往探班。

踏入娛樂圈當然面對不少壓力,洪欣指兒子甚少向她傾訴,可能跟他本身樂觀性格有關,加上從小就見到媽咪的工作環境,已有一定心理準備。早前鎬濂參加內地真人騷《以團之名》,她指最初看到兒子跳舞時會指出其不足之處,但另一方面卻令他感到難受,洪欣說:「好矛盾,做媽媽會講最真說話,當然要求高希望佢做到最好,但我都要學習改為鼓勵佢。」直至見到他在總決賽演出,她大讚兒子在短短兩三個月內進步好多,自己也感到欣慰。

講到早前傳她跟老公張丹峰婚變一事,她即收起笑容婉拒回應:「我哋講緊啲咁開心嘅嘢,就唔好去問呢個問題啦,今日講啲開心、正面嘅嘢。」

娛聞樂陪你走遍全球追星,即Like「娛果」FB 專頁!
BannerBanner