【韓流】興奮訪港拍攝 金鐘國自爆怕鬼

更新時間 (HKT): 2019.04.08 15:45
金鐘國為《No Sleep No FOMO》訪港挑戰

韓國男星金鐘國、Alexander、Eric Nam、香港女星譚杏藍(Hana)等有份演出的全新形態不眠旅遊真人騷《No Sleep No FOMO》,上月底正式登陸「黃Viu煲劇平台」獨家首播,今個星期,金鐘國將會孖混血型男Paul Foster、U-Kiss前成員Kevin到香港,進行60小時大冒險。

金鐘國等人之前低調來港拍攝,而金鐘國雖然拍過不少綜藝節目,但他坦言對今次拍攝都好期待:「雖然我經常去海外拍攝,但從來都冇機會認真去過每個角落,今次喺香港去咗好多有趣嘅地方體驗,係我接拍呢個節目嘅最大理由,同埋可以體驗一下外國嘅真人騷跟韓國節目嘅不同之處。」

金鐘國又指以前組合(Turbo)活動時,為了拍攝MV,曾試過40小時沒有睡覺,不過今次他要挑戰60小時不睡覺,金鐘國笑言開拍前有盡量爭取時間睡多一點,但訪港後心情大好,反而不太容易睡着。而一向予人「天不怕地不怕」形象的金鐘國,直言自己最怕鬼:「我成日都話我最驚鬼,反而去鬼屋就唔驚,因為我知係人扮。但如果真係鬼,就算我有幾大力都無能為力。」

娛聞樂陪你走遍全球追星,即Like「娛果」FB 專頁!
BannerBanner