【結婚周年紀念又現「小三」】恨到外地短期進修 黃翠如等老公批准

更新時間 (HKT): 2019.04.08 19:40

黃翠如與趙慧珊(Aka)今天於尖沙嘴出席品牌活動,二人多年前曾於有線共事,Aka說:「我以前好鍾意翠如㗎,覺得佢好靚,我記得佢仲教咗我哋一堂,但係講咩就唔記得喇。」

二人應邀為品牌的手袋設計圖案,翠如表示首次參與手袋設計,她說:「好好玩,好耐冇試過畫通宵,以前畫畫好鍾意畫通宵,因為屋企人唔會騷擾,我前日下晝開始畫,其間唐詩詠嚟咗,幫我加咗啲香蕉。」翠如還取笑老公蕭正楠對畫畫完全沒有概念,她說:「佢連畫線都冇概念,寫字都似小朋友咁。」提到這個月是二人的結婚周年,翠如爆老公忘記了,並相約「小三」曹永廉一同到美國公幹,她無奈押後慶祝活動。

Aka剛剛到英國工作兼修讀短期藝術課程,翠如表示羨慕,她說:「我由上年講到今年,有朋友喺嗰邊讀過一個月嘅課程,我都希望有機會去。」她又詢問Aka報讀的資料,又表示必須得到老公批准,不過若與老公同遊,老公將以玩樂行街為先。

另外,Aka開心有父母陪她一同到英國,短短10多天的課程令她獲益良多,但她坦言不懂照顧雙親,幸好得到同行的攝影師幫忙照顧,問到可有艷遇?Aka笑說:「仲好講!喺餐廳有人問我攞電話,但係佢啲似墨西哥嘅口音,我唔係太明白,我只係回答佢thank you,事後個攝影師問我點解咁答,我先知佢問我乜嘢。」

娛聞樂陪你走遍全球追星,即Like「娛果」FB 專頁!
BannerBanner