【一路好走】資深演員林文偉上月離世 麥子雲念好友心情極之低落

更新時間 (HKT): 2019.04.12 16:18

林文偉生前除了做演員外,亦曾經擔任導演和動作設計,演出作品包括《夜驚魂》、《上海灘》、《上海灘續集》、《A計劃續集》,以及杜琪峯執導的《黑社會》。

張雷今日接受《蘋果》電話訪問,對於好友離世,他說:「聽佢屋企人講係肺炎,我哋喺舊年年尾見過面,嗰陣佢都有精神,只係冇以前咁fit!」張雷亦表示好友離開了娛樂圈後,去了地盤做科文,至於經濟問題:「佢個女話暫時都冇乜問題。」

任達華回應林文偉離世,他今日電話回覆《蘋果》時說:「佢喺TVB時,我識佢好耐,佢以前打西洋拳,同佢拍好多戲,佢走咗當然個心好沉痛。我同佢個女熟啲,做運動嗰度成日見到,我有叫佢不如叫爸爸過嚟做運動,佢走咗好惋惜,佢係一位好專業演員,以前拍TVB電視劇,一齊好多合作。」問到華哥對林文偉可有難忘事?他說:「佢成日都會教我哋打西洋拳。」

娛聞樂陪你走遍全球追星,即Like「娛果」FB 專頁!
BannerBanner