【宣萱杏兒承諾拍】首次放下女兒飛瑞士工作 陳慧珊︰佢成長咗獨立咗

更新時間 (HKT): 2019.04.13 16:07

陳慧珊今日在旺角出席口腔護理品牌活動,因為眼睛敏感而戴上太陽眼鏡現身。她表示從小已是該品牌的用家:「知道佢哋搵我合作好開心,因為我真係認識呢個品牌,而且大家嘅目標都係講教育、畀正能量香港人,無論家長又好,小朋友又好,我都希望可以畀多啲正能量大家。」

陳慧珊早前應品牌邀請到瑞士拍攝特輯,她表示到瑞士之前,與宣萱和胡杏兒到英國拍攝另一個有關教育的節目。陳慧珊感謝兩位好姊妹支持:「佢哋二話不說就答應,大家都知宣萱好忙,最近喺內地拍緊《尋秦記》,但係因為兩年幾前已經答應咗我,所以都抽時間同我去拍嘢。杏兒大住個肚,我同佢講唔需要為咗承諾而去,但係佢都堅持去,真係好多謝兩位咁重視對我嘅承諾。」

她表示這次是首次放下女兒去公幹:「今次去瑞士係同先生一齊去,第一次放低個女喺好朋友屋企一個星期,佢都成長咗獨立咗。」陳慧珊指每天完成工作,便短訊女兒跟她說晚安:「我都唔想佢太掛住我,佢有需要會打畀我㗎啦,而且佢都11歲啦,我真係希望有一日有時間可以去旅行。」

至於另一好姊妹洪欣,近日傳出婚變?陳慧珊直言有聽聞:「但我無直接問佢,所以最好唔好講咁多。」但有指當年她支持洪欣與張丹峰拍拖,但蔡少芬反對?她說:「真係唔記得,但係我嘅朋友開心,我就會支持佢,我唔可以判斷佢嘅人生,總之佢開心我就支持。」

娛聞樂陪你走遍全球追星,即Like「娛果」FB 專頁!
BannerBanner