【金像獎慶功宴】惠英紅望攞視后劇后成大滿貫 蔡卓妍失落影后冇失望

更新時間 (HKT): 2019.04.15 13:40
攝影:沈健程

第38屆香港電影金像獎,昨晚在文化中心順利完成,活動過後一眾得獎者及入圍演員一齊去到尖沙嘴出席慶功宴。再度奪得最佳女配角的惠英紅表示,其實好大壓力,她說:「怕人哋叫我讓,我係好擔心,我覺得評審公平公正。」惠英紅指今年得獎者都是她的心水,電影圈近年極力支持新導演,惠英紅說:「拍戲唔可以唔收錢,利是都要收一封,呢個係意頭。」展望將來,惠英紅指自己未試過攞視后及舞台劇獎,她說:「如果拎埋就係人生大滿貫。」

余香凝(Jennifer)在金像獎頒獎禮上不慎走光,Jennifer說:「事前同自己講唔好失準,喺表演同唱歌環節唔好走音唔好失準,但喺另一樣嘢失手,我完全唔知發生咩事,係同事同我講,條裙本身好fit身,但係冇試過戴咪,露出嘅都係膠紙啫,今次攞到經驗,唔會唔開心,唱歌冇走音就ok,表現自己嘅專業。」

失落影后的蔡卓妍(阿Sa)表示:「唔會失望,曾美慧孜嘅角色係好難handle,自己勝算係不大。」對於如果要演曾美慧孜的角色,Sa說:「係難啲,睇套戲唔係睇尺度,要演得好。張靜初都好,自己唔會失望,反而鬆一口氣。」一眾朋友有否安慰她?Sa說:「唔使安慰,不過收到百幾個message,祖兒、阿嬌、關智斌,睇電視為我打氣,一個食蕉一個食橙,好感恩有一班好錫我嘅朋友,自己亦有好好嘅際遇。」

失落新人獎的胡定欣表示沒失望,她說:「能夠第一次參與金像獎提名新人獎,成為座上一份子已經係一個難忘好特別嘅經驗,今日喺紅地毯都難忘,一路行一路彈番啲水上嚟,好在條裙冇透視。」定欣謂可惜吳鎮宇未能一起出席,她說:「好多謝鎮宇哥,我第一次拍劇、第一次拍電影都係同佢合作,鎮宇哥係我恩人,對於日後會否投身電影?一步一步嚟,我喺電影圈仲係新人。」

娛聞樂陪你走遍全球追星,即Like「娛果」FB 專頁!
BannerBanner