【疑似陳煒聲帶流出】傳黃心穎拍劇黐人夫 王浩信:我諗嗰位同事誤會咗

更新時間 (HKT): 2019.04.16 18:25

許志安和黃心穎車廂偷食事件,哄動全城。網上即有不少移花接木圖片,用馬國明拍《降魔的》劇照載住黃心穎和許志安。而WhatsApp亦有一條45秒錄音,稱是陳煒力數黃心穎,陳煒今日否認是她錄音,說:「大家聽過我把聲都知我把聲唔係咁樣,講嘢語氣唔係咁樣啦,咁條聲既然唔係我,我都唔需要回應。」

疑似陳煒錄音中,更一度點名批評王浩信,王浩信當年與黃心穎在上海、無錫拍劇集《東坡家事》外景,經常出雙入對,有指王浩信拍劇期間陪玩陪食,將老婆陳自瑤和囡囡拋諸腦後。對於疑似陳煒聲帶,王浩信今日回覆傳媒時話:「我諗嗰位同事誤會咗,我喺《東坡家事》裏邊同心穎係飾演一對夫妻,佢見我蹺住佢或拖住佢,應拍攝當中或排戲,戲外絕對冇呢啲情況發生。」

不過又有傳該聲帶不是陳煒,其實是同樣有份拍《東坡家事》的王綺琴,王綺琴今日接受傳媒訪問時否認說:「把聲都唔係我,唔關我事喎。」

娛聞樂陪你走遍全球追星,即Like「娛果」FB 專頁!
BannerBanner