【開心share】張美妮囡囡肚中胎動 融化老公會心微笑

更新時間 (HKT): 2019.04.22 12:55

今年娛樂圈旺生女,繼視帝陳展鵬和影帝郭富城先後公佈生女後,緊接這兩個月也有張嘉兒、張美妮和黃婉曼接棒生女。

首次陀B的張美妮去年開心宣佈有孕,轉眼距離6月的預產期還個多月,她日前趁着行動靈活,孖髮型屋老闆老公KK Wong一齊去影大肚寫真留念。美妮今日貼相社交網開心share,她留言:「仲有個零月就到預產期啦!見住個肚一日比一日大,快要當媽媽的感覺更加強烈!而家每一日最享受嘅就係摸住個肚皮,溫柔地同BB傾偈!BB~爸爸媽媽會以最大的愛包圍着你!Love you!」

美妮的大肚寫真以美感為主,未有性感示人,老公KK溫柔的從後抱實老婆,又輕輕摸着美妮巨肚,一家「三」口互動。講到拍攝時趣事,美妮今日回覆傳媒時說:「嗰日影相,真係好開心嘅,畀我最大感覺係老公嘅反應,因為我平時陀住BB先feel到胎動,但嗰日要影相擺甫士,我老公全程摸住我個肚,佢都feel到阿B喺我肚裏邊全日郁嚟郁去,佢覺得好得意,佢覺得阿女有反應畀佢,老公開心到成個人唔同晒,自然會心微笑,好溫馨。同我哋平時影相好唔好,佢平時好cool,唧都唔笑,呢次感覺我哋影相好溫馨好sweet。」

娛聞樂陪你走遍全球追星,即Like「娛果」FB 專頁!
BannerBanner