【激罕】47歲袁詠儀搽泥漿show身材 老公Chilam「O」晒嘴

更新時間 (HKT): 2019.04.22 18:15

袁詠儀(靚靚)與張智霖(Chilam)今日分別在社交網貼開心旅行相,靚靚激罕穿上三點式泳衣,雖然已經47歲,但身材依然好fit,反而Chilam有啲肉地。見靚靚和Chilam面部和全身都搽滿白色泥漿,硬晒軚,Chilam更搞笑「O」嘴,薛凱琪、丁子高都有留言哈哈笑公仔,容祖兒則說﹕「So sexy!」

靚靚今次是與家人同行,在大合照中企後排,她留言﹕「一班瘋狂的朋友,找到我嗎?」而老公Chilam則上載與囝囝「魔童」Morton的溫馨父子照,留言﹕「Happy Holiday.」

靚靚和Chilam結婚18年依然恩愛,實在好難得,早前更夫妻檔一齊搵銀,參加大陸綜藝節目《妻子的浪漫旅行》,大談夫妻相處之道,被問到如果老公「開小差」,即愛上另一個人會怎樣做?靚靚即丟筷子嗌:「煮了他!」

靚靚向來性格剛烈,對老公出軌零容忍,還瀟灑地說﹕「你要把你現在所擁有的東西全給我,因為我覺得可能你已經準備離開這家庭了,你已經不再重視這個家庭了,你願意放棄所有東西時候,包括我們的愛、孩子,或者是你的財富,如果你覺得可以的,你就去吧。」(相關新聞: https://bit.ly/2IJTHyA )

如此大犧牲,相信Chilam都識得揀。

娛聞樂陪你走遍全球追星,即Like「娛果」FB 專頁!
BannerBanner