【開名鬧】不再容忍網絡欺凌 裕美爆Seed:我從未想過同任何富貴人家一齊

更新時間 (HKT): 2019.04.23 23:09

現年30歲的裕美,在2002年以只得14歲、中日混血兒身份踩入娛樂圈,多年來星途浮浮沉沉,最「響朵」的,必數她2016年被踢爆與藝人黃子恆發展婚外情,最後離婚收場,星途更加暗淡。

近日因為全城熱話「安心偷食」事件,裕美昨日出席活動時以過來人身份回應指「情到濃時情緒控制你去做一啲嘢」(新聞連結: https://bit.ly/2Vrgm9S ),此話一出,令外界大為譁然。今晚裕美在IG開post為自己的言論解畫,她更指自己「而家冇咗多年嘅management,讓我可以更自由地面對自己及輿論。」

裕美稱感情中出現問題,外人不容易看到,而她身邊有不少朋友都有類似問題,她更指:「關係已降至冰點,兩人毫無感覺、關係,甚至其實唔再彼此關心,卻又因為多年嘅感情、共同生活、習慣,無法一時三刻分開……(中略)……呢個時候,其中一方喺生活中毫無溫暖、甚至被對方冷落、粗暴對待嘅情況下,在外面遇到新的人,自然會產生情愫,因為關係裏的對方,其實早已唔care。」她指自己當年就在這個死症中,更明言「面對有名無實的關係,我認為想馬上展開新的生活」。

最後,裕美更提到:「我不知道安心事件裏面兩段伴侶之間的關係,也不適宜評論。我只能說,如果他們關係是有名無實,好像我當年一樣,那麼所謂的『出軌』、『偷食』,就和該段婚姻、情侶關係一樣,有名無實。嚴格來說是正確,但是who cares? We know the truth. 其實喺外國,有好多藝人都『偷食』但都不會影響佢哋嘅事業冇咗,點解要將私人個人嘅事同工作拉埋一齊嚟講?」

之後裕美再出post,表示自己決定公開那些對自己網絡欺凌的網民的留言和用戶名稱,她指原因有三點:

「一,香港男女不平等問題實在離譜。將女人看作是要靠攀附另一半成名,咩『食都食個出名啲』- 你以為我哋仲喺舊時代?我14歲出道到現在,靠的就是自己,養家糊口。我從未想過同任何富貴人家一齊,係因為我認為女人當自強。係,我冇同過咩大明星、大名人一齊,當年亦冇嫁入豪門,反而係普通一個基督徒家庭,就正正係反映我嘅價值觀。

二,關於自己係咪雖(衰)人,我喺之前一段關於「有名無實」嘅分享裏面已經講過:如果該婚姻、情侶關係係有名無實,或者有共識分開、離心已決,那麼所謂的出軌、偷食,也係有名無實,不值得大家批判的。

三,娛樂圈裏面,我算係唔想紅嘅一個。多年來都覺得,自己性格唔適合做呢行。我14歲出道,係因為自己鍾意唱歌而已。出道不久就因為歌同節目少少走紅,也只是時來運到,自己不敢認係靠自己努力。但我從來沒有因此好恨一直紅下去,甚至希望能簡單安定下來,離開呢個圈。我也確實離開過。回來後的我沒有在想爆紅,只是希望可以做好自己的工作,養家糊口,過自己理想的簡單生活。比起娛樂圈很多的人,我覺得自己,才是一直心水清的人。」

有網民留言表示要支持裕美的決定,但裕美在「解畫post」中,卻關閉了留言功能。

娛聞樂陪你走遍全球追星,即Like「娛果」FB 專頁!
BannerBanner