【宣傳新歌】分手後的人生規劃 洪卓立︰隨緣啦!

更新時間 (HKT): 2019.04.23 16:03
攝影:黃曉妍

洪卓立和鍾舒祺,今日分別到商台宣傳,洪卓立宣傳新歌《數寄屋橋次郎》,由於這首歌提及到日本銀座一間壽司店,所以他早前跟壽司師傅學整壽司,今天特意帶壽司來宣傳,他說︰「學咗幾日,原來整卷物同手握壽司係好難。」

首歌講述人生規劃,如果跟另一半分手,餘下的人生規劃該如何處理,問他是否自己的心聲?他說:「係講緊大家都會遇到嘅事情,我有朋友結婚之前話唔結婚,或者去旅行中間突然之間嗌交,咁你仲去唔去旅行呢?我諗大家都會經歷到。」早前他與湯怡分手,他又怎樣處理餘下的人生規劃?洪卓立說:「我諗睇時間,如果啱啱分手,我去到呢間壽司店都食之無味,如果心情ok咪去囉,好多計劃都係睇事情發展,隨緣啦!」此外,洪卓立透露與公司提早續約,他開心地說:「續咗一段長日子,托老闆鴻福,我應該好快買樓自住,希望越快越好。」

此外,鍾舒祺今日宣傳新歌《印象》,這首歌講及人生有好多記憶,但會選擇甚麼記憶來忘記,她指自己很善忘,「我長期唔記得嘢,我會自動唔記得唔開心嘅事,所以父母都話我喺屋企係負責搞氣氛嘅人,佢哋生我出嚟係娛樂佢哋;其實我嬲人都有個限度,通常我嬲係唔會出聲,我會畀3日時間自己,冷靜咗先。」

她笑言會直接鬧的人就是老公,她指這首歌是跟老公首次合作,「老公監製呢首歌,我哋喺音樂上都會有啲意見,拍埋一齊總要有磨合嘅位。」會否擔心影響夫妻感情?她說:「唔會,我哋床頭打交床尾和,我哋嘅性格一樣。」此外,提到她與老公於10月補擺喜宴,她笑說:「會分開兩日搞,咁樣就最好,原來婚禮係為父母而做,我屋企第一次嫁,佢屋企第一次娶,我爸爸已經諗緊點帶個女進場,好得意。」

娛聞樂陪你走遍全球追星,即Like「娛果」FB 專頁!
BannerBanner