【陳百強父設靈】汪明荃到場弔唁 陳百靈指亡父與Danny分葬

更新時間 (HKT): 2019.04.23 18:24
(右圖攝影:仇志德)

已故藝人陳百強(Danny)父親陳鵬飛本月5日離世,享年95歲(新聞連結: https://bit.ly/2FUGno9 ),陳爸爸今天於香港殯儀館設靈,明天於荃灣華人永遠墳場土葬。

「阿姐」汪明荃、楊諾思、楊受成、顧美華與查小欣等先後到靈堂悼念,汪明荃表示:「同飛哥好熟,除咗佢係Danny爸爸之外,喺粵劇界係唱得好出名,我哋都有聯絡,佢中環有錶行,經過都會去打招呼,佢係好好嘅長輩。」問到對於陳父的離世會否感突然?阿姐說:「始終老人家,佢大仔有講佢爸爸走得好安詳。」問到阿姐會否感到不捨?她說:「梗係啦,佢咁好人!」

Danny長兄陳百靈與家人於下午4時前已抵達靈堂打點,而「為你喝采陳百強」歌迷會亦有成員到場幫忙打點。陳百靈下午4時半到地下大堂接受訪問,神情肅穆表示喪禮沒有宗教儀式,他透露父親離世時非常安詳和舒服,又指爸爸生前沒有特別病痛,向來精神。問到陳父生前有否交代身後事?陳百靈說:「冇準備,好突然,所以冇講。」

問到陳父會否與Danny一起葬於將軍澳?他說:「唔會,佢會同爸爸(陳百靈爺爺)一齊,土葬,喺荃灣,Danny喺將軍澳。」而問到陳媽媽心情?他說:「好自然,冇特別,好正常,佢都會嚟。」陳百靈指父親仍有跟一些藝人聯絡,但卻不知他們會否前來致祭,至於父親的生意,他指幾兄弟會合力打理。

娛聞樂陪你走遍全球追星,即Like「娛果」FB 專頁!
BannerBanner