【手腳冇晒力】參加7日斷食營 譚杏藍:成個腦都係諗住食物

更新時間 (HKT): 2019.04.27 16:29
攝影:盧妹

譚杏藍(小花)今日在銅鑼灣為新歌《早餐歌》舉行發佈會,為了宣傳新歌,稍後更與茶餐廳合作,推出「花式早餐」。ToNick主音男友趙善恆(恆仔)更神秘到場支持。

小花透露是首次情侶檔合作填詞:「好彩無嗌交,佢幫咗我好多,自己一直填開普通話,填廣東話詞真係好唔同。」問到她平日會否親自下廚?小花指近年廚藝已有進步:「唔係淨係識煮麵,每次恆仔都有食晒,仲覺得好正添。」

她指男友最愛蕎麥麵,所以去到不同國家都會買蕎麥麵給男友:「之前喺台南斷食營嗰陣,我都喺台灣買咗個麵返嚟畀佢,佢好鍾意。」

提到早前到台南參加7日斷食營:「其中有兩日完全冇食嘢,有一日唔食嘢唔飲水,去到第二日真係好辛苦,手軟腳軟冇晒力,成個腦都係諗住食物。」小花笑言現時身體還未恢復:「我覺得自己氣虛血弱,希望唔會影響我唱歌啦。」

娛聞樂陪你走遍全球追星,即Like「娛果」FB 專頁!
BannerBanner