【收花係開心事】呂慧儀仍相信愛情 周嘉洛人氣升增收入

更新時間 (HKT): 2019.04.28 17:35

呂慧儀與大台劇集中姨甥周嘉洛今日到奥運站搵真銀,擔任零售店新舖揭幕嘉賓,兩人獲大批Fans到場支持,將店外通道擠得水洩不通。

日前呂慧儀在IG上載了一張收花相,並留言:「簡單幸福」,她哈哈大笑澄清並非有追求者,只是母親節將至,收到花店送的花:「我相信(愛情),只係冇追求,仲有好多人有幸福。」她坦言當下的重心放在工作及兒子身上,收花是開心事,每年一度去感激母親,她亦收到兒子送上的母親節勞作,再問到有沒有追求者?她說:「冇,邊得閒,嚟緊蟹籽要面試,我近排做陪讀書僮,陪佢學普通話。」

雖然身兼父職,但呂慧儀不覺辛苦,因為時間可以自己安排,收工後便回家接手湊仔,問到爸爸黃文廸可有幫手湊仔?她說:「有,小朋友眼中爸爸媽媽都重要,溝通好就冇乜嘢,搵學校都有相有量,最緊要蟹籽有好學校讀書。」再問到父子每星期可有見面一次?她起初不欲多談,最後說:「有見面,但詳情唔講。」

兩人首度拍檔賺錢,呂慧儀提議一齊請劇組食飯,又踢爆周嘉洛接廣告及上網拍片收入可觀,連劉丹都投訴周嘉洛沒有請食飯。周嘉洛承認劇集助人氣升令收入增加,他說:「成個生活簡單輕鬆咗。」問到輕鬆置業上車未?他說:「有排,連車尾燈都未見到。」

娛聞樂陪你走遍全球追星,即Like「娛果」FB 專頁!
BannerBanner