【重點在用字】被罵老毒婦 惠英紅:可唔可以唔好加個老字?

更新時間 (HKT): 2019.04.29 19:55
(攝影:陳慧安)

59歲惠英紅早前憑《翠絲》分別奪得「第38屆香港電影金像獎」及「第13屆亞洲電影大獎」的最佳女配角獎,她今日於旺角筵開8席,宴請傳媒及袁富華、鍾慧冰及許秋怡等好友。

惠英紅很高興有機會與老友相聚,被問到幾時找到另一半,她笑說:「我嫁唔嫁得出關你哋咩事,可能我已經結咗唔話畀你哋聽 。」惠英紅又表示,上年有幾個朋友走咗,所以好珍惜同朋友相聚機會。

惠英紅說今晚是獲獎後首個慶祝飯局,她說:「屋企人都未得閒食,對於得獎後我冇加價,我冇做過呢件事,都係老闆主動加,如果自己要求會好肉酸,我片酬係超偏低,不過冇所謂,最重要係尊重。」

惠英紅指大台劇《鐵探》進入高潮,對於鄭少秋於ViuTV新劇《詭探前傳》今晚首播,會否擔心被搶走收視,惠英紅表示不擔心,反而網民責怪她劇透,她說:「係我劇透,但係觀眾可以睇到演員嘅演技。日前去海旁散步都被人喝,原來係支持我,內地網民話我係老毒婦,證明我做得好,不過可唔可以唔好加個老字?」

娛聞樂陪你走遍全球追星,即Like「娛果」FB 專頁!
BannerBanner