【韓流】Alexander首度挑戰裸泳 笑言畫面性感

更新時間 (HKT): 2019.04.30 16:00
Alexander於節目中挑戰裸泳

由黃Viu自家製的不眠旅遊真人騷《No Sleep No FOMO》,正於「黃Viu煲劇平台」獨家首播,而將於本星期播出的最後一集中,前U-Kiss成員Alexander就於菲律賓進行60小時不眠不休大冒險,節目中Alexander挑戰多項水上活動,更在當地「處男下海」嘗試裸泳。

提到首次於節目上挑戰裸泳,Alexander笑言畫面性感:「跳落海之後,經理人不斷用手勢示意我向後,我心諗點解呢?原來我除咗條泳褲之後,佢見到啲水好清、好淺,所以佢一直叫我去深啲嘅地方。後來發現海入面有好多魚游來游去,如果佢哋咬我『某部位』,點算好?所以我喺節目入面都幾性感,如果你哋睇到啲咩,麻煩當睇唔到。」

除裸泳外,Alexander亦參與多項水上活動,但他原來不諳水性,可謂一直在玩命。Alexander表示:「其實我好怕水,當時真係好驚,因為我唔識游水,呢件事(裸泳)真係好難以置信!不過我好感激Paul,見到佢做咗先,我就覺得佢都做到,我冇理由做唔到。」

娛聞樂陪你走遍全球追星,即Like「娛果」FB 專頁!
BannerBanner