【《姊妹淘》Re-U】39歲牛一收銀紙蛋糕 莊思敏:我好鍾意搵錢

更新時間 (HKT): 2019.05.01 13:29

今日5.1勞動節,亦係莊思敏的39歲正日生日,她昨晚在銅鑼灣有份投資的酒吧舉行生日會,圈中友人到賀,除有壽星女的孖妹莊思華及莊思明,還有翟威廉、吳若希、葉翠翠、林盛斌(Bob)、王子涵和黃百鳴等。

莊思敏最近成為仁濟之星,所以今年生日謝絕朋友送禮,她反而呼籲友人可以捐錢到仁濟幫助有需要的人,她最初訂下18000元的捐款目標,不過友人都好踴躍,善款數字都超過了,莊思敏表示截至昨日都有逾19000元,她感謝友人的善心。

莊思敏今日接受《蘋果》電話訪問,對於三字頭最後一個生日,她說:「今年生日願望,我希望身體健康,工作上有突破。今年我叫咗朋友唔好買禮物,我畀咗大家一條link,叫佢哋將啲錢捐去仁濟,唔需要經我手,可以直接撳入去。」莊思敏一共收到6個蛋糕,其中最吸睛是一個銀紙蛋糕,她說:「全部蛋糕都好靚,好有特色,妹妹送個銀紙蛋糕好得意,佢知我好鍾意搵錢。」

莊思敏表示生日P非常盡興,她說:「好開心可以喺自己酒吧開生日會,我唔係太醉,反而妹妹就好醉吓,佢同我做埋MC,幫我安排同大家合照。」相中見到莊思敏有跟吳若希、葉翠翠和王子涵三位J2台前節目《姊妹淘》主持Re-U合照,但美中不足獨欠楊秀惠,莊思敏也說:「翠翠結婚生仔後,佢好少出夜街,噚晚係《姊妹淘》難得聚會,可惜爭咗楊秀惠。Bob平日好忙都有嚟。」莊思敏今日會跟友人飛越南度假。

娛聞樂陪你走遍全球追星,即Like「娛果」FB 專頁!
BannerBanner