【「安心事件」已過去】節目照播許志安歌 森美:世界係向前行

更新時間 (HKT): 2019.05.05 14:01

森美今日以大使身份去到中環出席嘉年華,他表示一向有選擇有機產品,森美認為香港人經常被騙,以貴價買假有機菜,他說:「最重要是政府將有機認證嚴格執行,同時增加市民知識。」

此外,問到電台有否建議擔任電台DJ的森美減少提及「安心偷食」事件,森美說:「公司冇講,件事已經過咗去,之前有聽眾揀安仔嘅歌嚟播,因為係事發1星期之前點嘅,我哋都會照播,亦都有解釋,世界係向前行,我哋唔會因為娛樂新聞而影響,啱就會播。」

另外,楊張新悅表示自己會嚴選有機產品,因為自己是有機媽媽,亦會在家種植簡單植物,例如蔥及小蕃茄,用蛋殼及咖啡渣製作肥料。提到下星期便是母親節,楊張新悅說:「或者會旅行,自己唔需要物質禮物,因為已經有太多,小朋友做一份愛心早餐畀我已經好滿足。」

娛聞樂陪你走遍全球追星,即Like「娛果」FB 專頁!
BannerBanner