【老公都好貪靚】白雪雪先有福氣 苟芸慧︰我唔會做黃面婆

更新時間 (HKT): 2019.05.07 14:39

苟芸慧(Christine)今天於中環出席護膚品活動,即場分享美白心得,她笑言有效的護膚品會跟姊妹好友分享,她更揚言老公陸漢洋喜歡她白雪雪,苟姑娘說:「亞洲女仔都偏向鍾意白雪雪,男仔都會欣賞,自己都會keep住白,啲人話結咗婚就會變黃面婆,我唔會做黃面婆,會keep住美白、開心同皮膚光亮,同girl friends一齊靚。老公都鍾意我白雪雪,因為佢覺得咁樣有福氣,我開心健康佢就一樣開心,但係我就鍾意男仔健康膚色。」苟姑娘還爆老公愛偷用她的護膚品,是個貪靚的人,更想變靚仔。

提到日前跟從加拿大回港的鍾嘉欣一家聚會,苟姑娘則透露她們相約探望剛產子的岑麗香與BB,她笑說:「BB睇相似香香,但真人就似爸爸,好得意,希望佢健健康康,大個靚仔,我都有抱BB,不過好緊張,佢好軟,一抱佢就好開心興奮,雖然瞓咗,但一郁就好似同你打招呼咁。」問到她是BB的契媽嗎?她說:「我哋冇講,係咪契媽都好,我都好照顧同好錫佢。」現時苟姑娘忙於佛山香港兩邊走,因正拍攝網劇《快樂520》,在劇中又唱又跳,對她是一大挑戰。

娛聞樂陪你走遍全球追星,即Like「娛果」FB 專頁!
BannerBanner