【安心牽連甚廣】配合重拍《法證IV》 李施嬅:生命中有時會做啱同錯

更新時間 (HKT): 2019.05.09 15:30
攝影:曹家誠(右)

李施嬅今日到九龍塘一小學出席奧比斯護眼活動,提到無綫安排湯洛雯頂替黃心穎補拍《法證先鋒IV》,預計下月開工(新聞連結: https://bit.ly/2vJrYGG),有份演出的施嬅說:「其實要拍幾多同拍幾耐,我自己都未知,不過我同心穎嘅戲份唔算多,最多係黃浩然,佢分別同心穎、Yumiko (鄭希怡)有感情線。」

施嬅稱已簽合約,稍後到外地工作,但確實時間未知,她會盡量協調及配合重拍《法證IV》,她說:「大家希望完成呢件事,因為辛苦咗五個幾月,好想見到成果。」

問她可有感到心穎一人犯錯,卻牽連甚廣?施嬅說:「始終冇人想發生呢啲事,生命中有時會做啱同錯,我哋應該以正能量去面對。」她表示事發後未有聯絡心穎,不過她跟馬國明有短訊聯絡:「我有text過佢,始終認識馬國明十幾年,我諗呢個時候,佢哋最需要就係空間。」

另一方面,施嬅在活動上與一班小朋友分享護眼心得,提到自己十多年前已接受激光矯視,她說:「近年發覺自己散光越嚟越嚴重,而且有乾眼症,可能因為拍嘢反光板光線太強,工作時間長加上以前護理得唔好,如果細心護理應該唔會有咁多問題。」

娛聞樂陪你走遍全球追星,即Like「娛果」FB 專頁!
BannerBanner